NAGA CITY- Tinawang duon ni Sen. Cynthia Villar na dapat nang salidahan si Philippine Ambassador Renato Villa makalihis an kontrobersyal na rescue operation na isinagibo kan Philippine Embassy sa Kuwait.
Sa paghampang ni Villar sa mga kagawad kan media sa Camarines Sur, sinaysay kaini na naiintindihan niya na nagigin agresibo sana sa pagatabang sa mga distressed Overseas Filipino Workers (OFWs) an embahada kan Pilipinas urog pa makalihis an deployment ban na ipinaotob digdi asin an makangirhat na paggadan kan Ilongga OFW na si Joanna Demafelis.
Katakod kaini, sigon ki Villar, kun habo na kan Kuwaiti government sa presenteng ambassador kan Pilipinas sa saindang nasyun, dapat salidahan na sana si Villa.
Dugang pa kan senador, dai man kaipuhan na magin ulang an nasambitan ng insidente tanganing matuldukan na man an pagtabang kan gobyerno kan Pilipinas sa mga OFWs urog na an mga naaabuso kan saindang mga amo sa Kuwait.
Kun marurumduman, nagsunad nin diplomatic protest an Kuwait laban sa Pilipinas makalihis an kawaran suboot nin koordinasyon sa sainda sa isinagibong rescue operation kan Philippine Embassy.
