Mayong nareresiber na report an pamayohan kan Philippine Army (PA) na may mga suldados an nagresign sa serbisyo kawsa kan pagkaka-arestar ki dating Presidente Rodrigo Duterte na nahahamapnag sa kasong Crime Against Humanities.
An pahayag kan Philippine Army an kawsa sa mga naglalakop na report sa social media na nagkakaigwa nin mass resignation huli sa pagdakop sa dating presidente.
Sigun ki Philippine Army Spokesperson Col. Louie Dema-ala, saiyang sinabi na mayong report an hukbo dapit sa resignation kan mga suldados.
Tinawan-duon ni Dema-ala na an Philippine Army sarong propesyunal na organisasyon na pigbibilog kan mga propesyunal na suldados na nagtitinir na naka pokus sa saindang sinumpaang mandato.
Sa ibong na lado, nilinaw man kan Armed Forces of the Philippines (AFP) na nagtitinir na unverified an mga report na nag resign sa serbisyo. Kadaklan sa mga suldados komo suporta sa dating Presidente
Nangapodan an AFP sa publiko na magin maingat, mapanuri asin dae magpalakop nin mga dae kumpirmadong impormasyon.
Sigun ki AFP Spokesperson Col. Francel Padilla nagtitinir na propesyunal an mga suldados, nagkakasararo asin non-partisan.
Nagtitinir man committed an AFP sa saindang mandato na depensaran an nasyon asin an sambayanang Filipino.
