NAGA CITY– Pinahimutikan kan 9th Infantry Division (ID), Philippine Army (PA) an mga akusasyon na gibo-gibo sana kan mga suldados an napabaretang engkwentro suudma sa banwaan kan Libmanan, Camarines Sur.
Sa entrevista kan Bombo Radyo Naga ki Capt. Joash Pramis, chief kan Division of Public Affiars Office (DPAO), sinaysay kaini na piglalaoman na ninda an mga arug kaining reaksyon sa mga rebeldeng grupo urog na ta mas pinahihgot ninda an saindang mga operasyon.
Sigon ki Pramis, nakarekober sinda suudma nin apat na magazine asin sarong granada sa nagkapirang minuto na riribayan nin putok kan mag-ibong na parte.
Igwa soboot sinda nin narisibeng impormasyon gikan sa mga residente sa lugar na igwa nin nagkapirang armadong grupo na soboot nangongotong sa mga tao kung kaya tulos na nagresponde an saindang tropa.
Naabutan soboot kan mga suldados an anom na armadong kalalakihan na nagin dalan kan ribayan nin putok.
Pigsierto man ni Pramis na mas pinahigot ngunian an saindang mga operasyon kung kaya nangapudan man ini sa mga rebeldeng grupo na magsuko na sana.
