Pinahimutikan kan Philippine Constitution Association (PhilConsa) na igwang katotoohan an naglalakop na dokumento o sainda soboot opisyal na pahayag dapit sa isyu kan impeachment.
Kun saen pigkokonsiderar ninds ining peke o gibo-gibo sana makalihis na magluwas sa publiko katakod sa saindang posisyon sa naganap na deklarasyon kan Korte Suprema kan nakalihis.
Sigun sa pahayag ni retired Chief Justice asin Philconsa Chair Reynato Puno, saiyang sinaysay na pag-uulayan pa sana ninda an magigin posisyon kan grupo dapit sa nasambitan ng isyu.
An peke kayang dokumento na naglalakop online an nagsasaysay na nahahadit soboot an Ohilsa nagin ruling kan Supreme Court.
Nakasaysay man sa pekeng opisyal na pahayag an pagtubod na naglampas sa limitasyon asin ginambala kan Korte Suprema an ‘separation of powers’ asin constitutional boundaries na nakakapangluya sa otoridad kan Kongreso na mapanimbat an mga tiwaling opisyal.
Kaya kan mag-abot an naglalakop na dokumentong ini sa Philconsa, tulos ninda ining pinahimutikan.
Huli digde, saindang inabisuhan an publiko asin magin an mga miyembro kan media na iberipika an impormasyon asin magpasiring sana sa saindang opisyal na opisina.
