NAGA CITY- Pigpaliwanag kan Philhealth-Bicol an dapit sa paglangkaw kan PhilHealth contribution.
Sa nagin paghampang sa mga kagawad kan media ni Alberto Manduriao, Regional Vice President kan Philhealth-Bicol, sinaysay kaini na 1% sana an piglangkaw ngunyan na taon nin huli ta dae naglangkaw kan nakalihis na taon.
Sigun pa ki Manduriao,.5% sana an piglalangkaw kan saindang opisina kada taon kun kaya kun pagsasararaon an .5% kan nakalihis na taon asin ngunyan makakabilog nin 1% na paglangkaw sa monthly contribution kan mga miyembro kan Philhealth.
Obheto kan nasambitan ng paglangkaw an tanganing mag-increase man an benefits na maitatao kan Philhealth. Kun mayo man kaya na paglangkaw sa contrubution mayo man fund na magagamit tanganing maitao na benipisyo na para sa saindang mga miyembro.
Dugang pa kan opisyales, nakakatabang pa an increase tanganing makapagtao nin marhay na serbisyo.
Pigtawan duon pa kan Philhealth na anuman na yaon sa ley an pig-implementar kan saindang opisina.
Mientrastanto, pigpaliwanag pa ni Manduriao na enkaso dae makabayad an saindang miyembro, igwang immeadiate illigability an mga ini na magagamit sa panahon kan pangangaipuhan.
Alagad dapat bayadan pa man giraray kan mga miyembro an miss month na contribution kaibahan an interes. Sa ngunyan, kun enkaso soboot igwang concern o inquiry magpasiring sa saindang opisina tanganing tolos na masimbagan.
