Nanindugan an mga senador na regular nindang iimbestigaran an Philippine Health Insurance Corporation (PhilHealth) huli sa mga promisa kaini na mapakarhay an access sa mga esensyal na bulong para sa mga nangangaipo.
Segun sa Senate committee on health chairman na si Sen. Christopher “Bong” Go, dai natatapos an saindang pokus sa pagsumiter nin commitment letter hale sa PhilHealth na mas matawan nin dakulang ayuda an mga pobre na nangangaipo nin medical assistance.
Marurumduman na an health insurer kan gobyerno nagpadara nin letter of commitment, na igwang laog kan mga programang mawot kaining pakarhayon. Laog kan National Health Insurance Program (as mandated by Republic Act No. 11223 o Universal Health Care (UHC) Act), na orog pang pahiwason pa an tabang na sakop kan coverage kan Philhealth.
Enot naman na pigsaysay ni Go na importante na iiba an mga outpatient drug benefit packages sa mga programa, tanganing masuportaran pa man giraray kan gobyerno an mga tawong igwa nin helang, mantang sinda man an nagtatabang sa saindang mga sadiri sa paagi nin paghanap nin buhay o iba pang kapaki-pakinabang na gibuhon.
Magigirumduman na dati nang pigabisuhan kan ibang mga mambabatas an pamayo kan Philhealth huli sa mga paagi kaini sa pagsimbag sa mga kahapotan kan mga miembros kan mataas na kapulungan ng Kongreso.
