NAGA CITY- Nakahanda na ang Philippine Coast Guard Camarines Sur sa paparating na bagyong Uwan.
Sa panayam ng Bombo Radyo Naga kay Lieutenant Junior Grade Eidderf Lloyd A. Olea, PCG, PIO, Coast Guard Station Camarines Sur, sinabi nito na mayroon nang direktiba mula sa National Headquarters na naka Red Alert Status na at Full Alert Status ang kanilang hanay na kung saan naka standy by na sa magiging epekto ng bagyo.
Bilang bahagi nang kanilang paghahanda, nagsagawa na nang coordinating meetings ang Philippine Coast Guard Camarines Sur kasama ang iba’t ibang LGUs para sa pagsagawa ng force evacuations sa mga areas na palagiang binabaha sa buong lalawigan lalo na’t nagpalabas na nang kautusan ang Provincial Government ng Camarines Sur patungkol dito na epektibo ngayong araw.
Ang lahat ng PDRRMC member agencies, kasama ang BFP, PNP, PCG, Philippine Army, DepEd, and DILG, ay inaatasan na magbigay ng tulong sa isasagawang evacuation at disaster preparedness operations.
Ayon pa kay Olea, isa sa sa partikular na kanilang tinututukan ang lungsod nang Naga at mga coastal areas sa Camarines Sur dahil isa ito sa lubang naapektuhan noong nakaraang taon dahil sa Bagyong Kristine.
Kaugnay din nito, ipinatawag ni Naga City Mayor Leni Robredo ang lahat ng Barangay Captain ng buong lungsod upang matiyak ang kaligtasan nang lahat.
Naka blue alert status ang buong lungsod ng Naga na ibig sabihin handa na ang lahat ng assets gaya na lamang nang water assets na kailangang ihanda sa bawat Barangay.
Dagdag pa ng opisyal, may mga dagdag na manpower na mula sa Regional Office para sa karagdagang pwersa na tutugon sa kalamidad.
Samantala, nag-abiso naman si Olea sa mga mangingisda sa mga coastal areas huwag nang magpalaot dahil sa naturang bagyo.
Sa ngayon, hagad na lamang nang opisyal ang kooperasyon ng publiko upang maiwasan ang anuman na untowards incidents sa panahon ng sakuna.
