NAGA CITY-Mawot na pababaon kan Philippine National Railways(PNR) an mga insidente nin crossing incidents o mga insidente sa riles.
Sa paghampang sa mga kagawad kan media ni Attorney Celeste Lauta, General Manager kan PNR, nagkakaigwa soboot sinda nin barangay coordination ngunyan kun saen igwa sinda nin 6 na team gikan sa Manila na pigbaranga-banga an hurisdiksyon sa Bikol gikan sa Sipocot hasta sa Legazpi.
Sigun ki Lauta an saiyang assignment gikan sa Sipocot hasta sa Milaor. Sa natatada man igwa soboot sindang mga team na nagpuon na kun saen dugang pa kaini nakikiulay sinda sa mga barangay na tabangan an PNR na manmanan an mga crossing na yaon sa saindang lugar.
Ini soboot nin huli ta may saradit asin darakulang crossing asin kaipuhan soboot igdi na magbantay an mga gikan sa barangay sa saindang mga konstituwentes na posibleng maapektaran nin aksidente.
Sigun ki Lauta kadakul nin nangyayaring aksidente partikularmente sa mga crossing kun saen ini soboot alarming nin huli ta buhay kan tawo an nakasalalay pati an propriedad kan mga ini asin man kan gobyerno.
Dugang pa kaini kaipuhan nindang magsagibo nin magkakanigong effort tangani na iheras sa mga Bikolano an saindang pakiulay na tabangan an PNR na maneharon an mga crossings.
Sigun ki Lauta mayo nin naitalang crossing accident sa Sipocot mantang sa Pamplona asin Milaor pareho ining may duwang nairehistrong aksidente.
Dugang pa kaini kadaklan sa mga nairerehistro nindang aksidente sa bandang Albay.
Nauugma man soboot ini na sa enot kaining istasyon na sa Sipocot nin huli ta mayo nin nairehistrong aksidente igdi.
