Philippine National Railways Naga preparado na para sa paabuton na Undas; Padagos an pangapudan sa mga pasahero na magsunod sa panundon na pigpautob kan manihamiento

NAGA CITY – Preparado na an Philippine National Railways Naga sa papaabutan na undas.

Sa entrevista kan Bombo Radyo Naga ki Nathaniel M. Osias OIC, Station Operations Division Philippine National Railways Naga pigsasay kaini na nagpoon na kan October 25 an saindang oplan undas asin igwa naman nin approved safety precaution na pinaluwas kan PNR.

Nakapreparar naman an pagmanehar sa piglalaomang pagdagsa kan mga pasahero Kun saen mayo man nin pagbabago sa pamasahe.

Katakod pa digde, pig-aabisuhan man an publiko na magpreparar nin tickets antes pa an byahe.Sa ngunyan patanid kan opisyal na magtubod sa mga rules asin dae magdara nin mga patarom na bagay huli ta bawal ini sa tren.