Pigsierto kan Philippine Navy (PN) na nakapreparar an saindang hukbo enkaso man na maglala an magigin tensyon sa pag ultanan kan Chinese Coast Guards (CCG) asin man kan mga tropa kan Pilipinas sa West Philippine Sea (WPS).
Sigun ki PN spokesperson for the WPS Rear Admiral Roy Vincent Trinidad, an saindang papel an imamantinir na salbado an mga kahimanwang Pilipino asin bantayan an seguridad sa WPS.
Ini an makalihis nagpahayag nin sentimiyento an China sa pag-arestar ki dating Presidente Rodrigo Duterte sa bisa kan warrant of arrest gikan sa International Criminal Court (ICC).
Piglalaoman kaya na mas magigin agresibo an CCG sa saindang padagos na iligal na pagtinir sa laog kan Exclusive Economic Zone (EEZ) kan nasyon.
Soboot, an mga tension an dae makawsa nin Sandatahang Lakas kan nasyon alagad sarong ‘foreign player’ na mawot soboot na pamayuhan asin sakupon an WPS.
Mientrastanto, pigsierto ni Trinidad na andam an saindang pwersa para sa ano man na sitwasyon bako sana sa nagpapadagos na tensiyon sa katubigan kan WPS, kundi magin sa seguridad kan nasyon sa daga man o magin sa himpapawid.
