Liwat na nagsierto an Department of Migrant Workers (DMW) nin tabang sa mga Pinoy crew members na apektado kan nagpapadagos na tensyon sa Middle East.
Susog ki DMW Secretary Hans Leo Cacdac, pinirmahan niya an Advisory No. 11 na nagdedesignar kan Persian Gulf, Strait of Hormuz asin Gulf of Oman komo “Warlike Operations Areas,” o mga lugar na may halangkaw na peligro huli sa nagdadakulang sitwasyon sa rehiyon.
Sa irarom kaini, igwa suboot nin deretso an mga Filipinong tripulante na magsayuma na maglayag o mag-agi sa nasambitan ng mga lugar huli sa huma sa saindang kaligtasan.
Segun ki Cacdac, an lakdang na ini susog sa klasipikasyon kan International Bargaining Forum (IBF) na nagdeklarar kan siring na katubigan bilang war-risk zones huli sa nagdadakol na bilang kan mga pag-atake sa mga barko.
Katakod kaini, kinakaipuhan man an mga shipowner na mag-implementar nin mas mahigot na seguridad sa mga barko na nag-aagi sa mga lugar na ini.
Pigsierto kan sekretaryo na dobleng bayad an makakaresibe kan mga pamilya kan mga tripulante en kaso na magadan o may diperensya mantang yaon sa war-risk zone.
