NAGA CITY- Nagin matrayumpo an pigkundusir na Random checkpoint kan Traffic Enforcement Unit kan Naga City Police Office sa mga terminal sa siyudad nin Naga.
Sa entrevista kan Bombo Radyo Naga ki PMAJ. Rey Alvarez, Acting Chief kan Traffic Enforcement Unit kan Naga City Police Office sinaysay kaini na marhay soboot an resulta kan saindang random checkpoint orog na ta yaon man an kooperasyon kan mga drivers.
Sigun pa sa opisyal, mayo man mayor na problema sindang nahiling partikular pag-abot sa mga lisensiya asin papeles kan mga driver.
Paliwang ni Alvarez, gabos na terminal an saindang inikot asin haros gabos man an preparado kan mga pighahagad na dokumentos kun kaya nagin smooth man an dalagan kan saindang inspection.
Marurumduman, an nasambitan ng lakdang an komo preparasyon para sa papaabuton na Peñafrancia Fiesta 2025 asin tanganing maasegurar na salbado an mga bisita asin deboto na mapasiring sa siyudad nin Naga.
Kamawotan kaya kan lokal na gobierno kan siyudad nin Naga na malinig an sektor kan transportasyon tanganing malikayan an mga untowards incidents.
Mientrastanto, pinasalamatan man kan opisyal an saindang mga nakatabang sa saindang mtrayumpong operasyon siring kan Highway Patrol Group, Land Transportation Office asin Public Safety Office Naga.
Sa ngunyan, pig-enkaminar na sana ni Alvares an mga driver asin operators na pirmeng magin preparado may inspeksyon man o mayo.
