Nagtutubod si Senador Sherwin Gatchalian na makakaakit nin mas kadakol na turista an nasyon sa piglalaomang pagsasabatas kan Value-Added Tax (VAT) refund para sa turismo mantang paparani na an seasonal peak sa panahon kan Pasko asin Bagong Taon.
Dugang pa kaini, naglalaom suboot ini na an prosopwesto maisasabatas pag-abot kan year-end holidays kun saen kadakol turista an nagdadayo sa nasyon tanganing maeksperyensyahan an pagselebrar kan Pasko asin Bagong Taon.
Marurumduman, dai pa sana nahahaloy kan inaprobaran kan Senado an ley sa ikatolo asin huring pagbasa.
Pigsaysay pa ni Gatchalian, an pagsasabatas kan nasambitan na prosopwesto an piglalaoman na mapakarhay sa tourism competitiveness kan nasyon sa bilog na Asya asin mapukaw sa lokal na industriya nin turismo, urog na ta haloy na ining pig-implementar kan dakul na pagtaraid sa rehiyon. Basado sa datos gikan sa Department of Tourism (DOT), an pag-abot kan mga international visitor para sa enot na kabanga kan taon nagpakol sa labing 3 milyon.
Igwa nin poco mas o menos na 7% na paglangkaw gikan sa nakaaging taon. Susog sa DOT, an South Korea nagtitinir na pinakahalangkaw na source market na igwa nin 824,798 na bisita na naglalaog sa nasyon, o 26% kan total na bilang, Kasunod an Estados Unidos na igwa nin 522,667 o 16.7%; China 199,939 o 6.3%; Japan na 188,805 turista o 5.9%; asin Australia na igwa nin 137,391 o 4.3%.
