Aram baya nindo mga ka-bombo, an six 1976 Cadillac El Dorado limousines na American Dream an igwang laba na nagpapakol sa 30 meters asin igwang bastanteng interior space na kayang maglunad an nasa 75 katawo.
An nasambitan soboot na lunadan an bakong madaling imani-obra.
Ini an orihinal na ginibo kan taong 1986 kan bistadong car collector asin costumizer na si Jay Ohrbeg.
An American Dream an igwa sanang laba na 18.28 meters o 60 feet asin pigpapa-andar kan V8 engines alagad ini an pig-extend ni Ohrberg asin ginibong kakaibang behikulo na igwang laba na 30.5 meters o 100 feet long.
Ini an pigrekognisar kan Guinness komo world’s longest car kan 1986 asin na-featured sa cover kan manlaen-laen na magazines, television shows asin magin sa mga pelikula.
Alagad an kasikatan kan nasambitan ng behikulo an nawara na nagin rason tanganing iabandona ini sa likod kan sarong warehouse sa New Jersey sa laog nin pirang dekada.
Katakod kaini, pirang automotive enthusiasts an binakal an behikulo asin liwat na pinakarhay hasta sa maibwelta an dating kasikatan kan pigmirar komo pinakahalabang lunadan sa bilog na kinaban.
