Dadarahon sa Pilipinas ngunyan na taon an pilgrim relic ni Blessed Carlo Acutis, na itatalaga man komo primerong millennial saint kan Simbahang Katolika ngunyan na Setyembre 7.
Susog sa Friends of Blessed Carlo Acutis – Philippines, an relic, na parte man kan pericardium o fibrous sac na nagpoprotekta sa puso, an nasa nasyon magpuon sa Nobyembre 28 hasta Disyembre 15.
Kinumpirmar kan Assisi–Nocera Umbra–Gualdo Tadino, an home diocese ni Acutis, an pagbisita asin ipinagkatiwala sa Friends of Blessed Carlo Acutis – Philippines an pamamayo kan pilgrimage.
Si Acutis, na nabisto man sa paggamit nin teknolohiya tangani palakupon an pananampalataya, an binawian nin buhay sa helang na leukemia kan naklaihis na 2006 sa edad na 15 anyos.
Itatalaga ini komo primerong millennial saint sa saiyang canonization ngunyan na aldaw.
