Nagtinta an Pilipinas asin Japan nin sarong memorandum of cooperation tangani pakusugon an kooperasyon kan duwang nasyon sa ladangan nin enerhiya asin maibusol an malinig asin matatag na energy partnership.
Pinangenutan ninda Energy Secretary Sharon Garin asin Japanese Minister Muto Yoji an pagtinta sa kasunduan sa pigkundusir na 3rd Asia Zero Emission Community Ministerial Meeting sa Kuala Lumpur.
Sakop kan kasunduang ini an pagtatarabangan sa renewable energy, grid integration, energy storage, hydrogen, ammonia, liquefied natural gas, asin carbon capture utilization and storage.
Obheto man kaining pahiguton an energy security asin man an kolaborasyon para sa pagpapalago kan energy industries sa duwang nasyon.
An programa an parte kan Asia Energy Transition Initiative kan Japan asin ini an magkakabisa sa laog man kan apat na taon.
