Nadomina kan men’s tennis team kan nasyon an Mongolia sa pagpupuon kan Davis Cup na pigganap sa Bahrain.
Nakua kan Pilipinas an 3-0 na record na sarong magayon na liwat pagpuon makalihis an apat na taon na pagpapahingalo sa torneo.
Nangenot man si Eric Jed Olivarez Jr sa first singles na dinaog si Sonompuntsag Enkhjargal, 6-0, 6-0.Mantang gana man si Alberto Lim kontra ki Undrakh Purdevdorj na igwang 6-1, 6-3.
Nagbandera man sa doubles sinda Ruben Gonzalez asin Francis Alcantara 6-1, 6-0 kontra kina Tenuun Oyunbold asin Zolbadar Urnukh.
Yaon sa Group V an Pilipinas kun saen marapat na sinda an makalaog sa top 2 sa 15 nasyon tanganing makaangat sa Group IV promotion.
Kaiba kan Pilipinas sa Group V an mga nasyon kan Bahrain, Bangladesh, Bhutan, Brunei, Guam, Laos, Macau, Maldives, Mongolia, Nepal, Pacific Oceania, Tajikstan, Turkmenistan, asin Yemen.
