Sa premirong pagkakataon, nakapagrehistro nin historya sa football an Pilipinas makalihis nindang daogon an Thailand.
Sa laog nin 52 taon, dinaog na kan Philippine Men’s National Football Team an Thailand sa skor na 2-1 sa semifinals kan ASEAN Championship AFF Mitsubishi Electric Cup.
Sa enot na goal nailaog ni Sandro Reyes sa laog kan 21 minuto hasta maitabla kan Thailand sa paagi ni Suphanan Bureerat sa huring minuto kan first half.
Paglaog kan second half nailaog kan 25-anyos na si Enriquie Linares tanganing dagusang maipagana kan Pilipinas.
Nagin sulit man an pagdalan kan nasa 7,116 mga Pinoy sa Rizal Memorial Stadium. Ikukundusir an Leg 2 kan semifinals sa aldaw nin Lunes sa home court man kan Bangkok, Thailand.
