Magpapadara an Pilipinas nin limang representante komo parte kan ASEAN Observer Group na matutok sa pagpapautob nin ceasefire sa tensyonadong border kan Cambodia asin Thailand.
Sigun ki Presidente Ferdinand Marcos Jr., nakapreparar na magtabang an nasyon tanganing masierto an matuninong na resolusyon sa kariribukan kan duwang nasyon na parehas miyembro kan ASEAN.
Pigtawan duon pa kan Presidente, dae matugot an ASEAN na magpadagos an kariribukan kan sadiring mga miyembro kaya kolektibong lakdang an pagbabantay asin pagmo-monitor kan ceasefire.
Dugang pa kan Punong Ehekutibo, an pagbali kan Pilipinas sa peace mission an resulta kan napag-ulayan ninda kaibahan an mga opisyal kan Cambodia sa saiyang katatapos na state visit.
Misyon kan observer group na siertuhong irerespeto asin susunudon kan magkaibong na lado an mga kasunduan na mabibilog pasiring sa mas matuninong na rehiyon.
