Plano kan Pilipinas na magin host kan Asian Youth Games.
Sigun ki Philippine Olympic Committee (POC) president Abraham “Bambol” Tolentino, naipaabot na ninda sa Malakanyang an impormasyon sa kamawotan na magin host kan 2031 Asian Youth Games.
Dugang pa kan opisyal na apwera sa Asian Youth Games pigkokonsederar man ninda an hosting kan Asian Beach Games.
Naglalaom ini na tatabangan sinda kan gobierno tanganing maisakatupadan an dapit sa nasambitan ng kaplanuhan. Obheto kaini na mapakusog pa an tsansa kan mga joven na atleta kan nasyon na makakapagpartisipar sa mga international competitions.
Sa pigkukundusir kaya na Asian Youth Games sa Bahrain, nagpadara an Pilipinas nin 141 na atleta na mapartisipar sa volleyball, golf, triathlon, boxing, teqball, athletics, weightlifting, jiujitsu asin Kurash.
