NAGA CITY- Nahihiling ni Presidente Ferdinand Marcos Jr., na saro an Pilipinas sa makakakua nin pinakahalangkaw na growth rate o pag-uswag kan ekonomiya sa mga masunod na taon.
Sigun sa Presidente, ini an huli sa padagos na paglalapigot kan gobierno na pakusogon pa an ekonomiya kan nasyon sa ibong kan mga naeeksperyensiyahan na anggat.
Importante soboot an siring na mga projection orog na ta naglalapigot an gobierno na makahubat gikan sa epekto kan tagtuyot kasabay kan pagpepreparar sa papaabot na tag-uran. Dugang pa kan Presidente, sa presente an nasa 3.5% an inflation rate kan nasyon.
Laog soboot ini sa target na 2% hasta 4% na inflation rate kan gobierno kasabay kan paglalapigot na mamantinir an inflation sa manageable level.
