Nakua na sa kadagatan kan Batanes kan aldaw nin Huwebes an Pilipino na parasira na labi nang sarong bulan na nawawara.
Sa sarong pahayag, sinaysay kan PCG na an parasira na si Robin Dejillo, 49 anyos, taga Infanta, Quezon, naibareta na nawawara poon pa kan Agosto 4.
Nakaresibe nin impormasyon an Coast Guard Station Batanes hale sa saindang patrol team na may nahiling sindang puting motorboat na may lunad na lalaki.
Sigun sa PCG, pig-istorya kan parasira na dai siya nakabwelta liwat sa saiyang baroto makalihis na maubosan nin gas an saiyang baroto mantang nagsisira.
Nakayanan niyang maka-survive nin 46 na aldaw sa dagat sa paagi nin pag-inom nin tubig-uran asin pagkakan nin sira siring man nin mga niyog na naglalataw-lataw sa tubig.
Dinara kan mga tawohan kan PCG an nasalbar na parasira sa Batanes General Hospital para sa asistensya medikal.
