Binawian na nin buhay an kaenot-enoting Presidente kan Namibia na si Sam Nujoma sa edad na 95-anyos.
Pigkumpirmar ni Namibian President Nangolo Mbumba an pagkagadan ni Nujoma sa harong kaini sa Windhoek.
Makalihis na dagusang maging libredo an Namibia, si Nujoma an nagtukaw komo Presidente puon 1990 hasta 2005.
Pigsaysay ni President Mbumba na kan nakalihis na semana na-confine sa ospital an dating Presidente.
Nabisto si Nujoma na iyong pinakahaloy na naglaban tanganing maabot an katalingkasan kan Namibia sa South Africa kan 1990.
Taong 2007 kan magbaba ini sa puwesto komo namamayo kan ruling party na Swapo party makalihis an 47 taon na panenerbehan.
Nagpaabot man nin pakikidumamay si African Union Commission chairman Moussa Faki Mahamat asin nagkapirang lider kan nasyon makalihis na mabaretaan an pagkagadan kan dating Presidente.
