Aram baya nindo mga ka-Bombo, sarong dentista sa Chennai, India an nagtao nin kakaibang rason tanganing magngirit, bako sana huli sa saiyang propesyon kundi pati na man sa pambihirang koleksiyon kaini nin mga kamera na nag-abot sa labi 5, 707.
Si Dr. Arcot Vasantha Rao Arun an nagpuon mangolektar nin kamera kan ini hubin pa, alagad orog kaining sineryoso an hobby na ini kan taong-1997 kan makabakal nin antique na twin-lens camera gikan sa sarong flea market.
Puon kaidto, padikit dikit na nag-uswag an saiyang koleksiyon hasta sa mag-abot nin labi 1,000 rason tanganing bukasan kaini kan taong-2017 an sadiring Camera Museum sa saindang lugar.
Ngunyan, triple na an numero kan mga kamera sa saiyang museo. Mahihiling sa saiyang museo an mga klasikong Nikon hasta sa darakulang large-format camera na puon pa kan taong-1895.
Pigtabangan ini kan saiyang amigo na si Tanishq Arun sa pagdodokumento kan lambang pidaso na nag-abot nin walong bulan antes natapos an opisyal na numero para sa Guinness World Records.
Sa ibong kan saiyang dakol na koleksiyon, kinaipuhan pa kaining magbakal nin ika-5,708 na camera tanganing gamiton sa pagkua nin litrato kan gabos kan saiyang mga camera.
