Nagdugang pa nin tubig an San Roque Dam kasabay kan padagos kan paglangkaw kan lebel kan tubig kaini.
Basado sa report kan Hydrology Division kan state weather bureau, kan nakalihis na aldaw nin Domingo nagpaluwas ini nin 348.42 cms nin tubig mantang kan nakalihis man nin aldaw na Lunes nagpaluwas ini nin 402.52 cms.
An dam na ini nakarekord nin mapakol sa 1.28 metros na paglangkaw kan lebel kan tubig sa laog nin 24 oras.
An dam na ini iyo an pinakadakulang dam sa bilog na nasyon asin igwa ining Normal High Water Level (NHWL) na 280 metros.
Nag abot sa 278.45 metros an lebel kan tubig kan dam, mas halangkaw kumparar sa 277.17 metros na lebel kan tubig kaini kan Domingo.
Padagos na pigpapaisi an mga residentes sa mga hababang lugar na piglalaoman na maaapektaran kan dam discharge na bantayan an sitwasyon sa saindang lugar asin mag-ebakwar nin amay kun kinakaipuhan.
An nagkapira sa mga banwaan na posibleng maapektaran kaini iyo an mga banwaan kan San Manuel, San Nicolas, Asingan, Tayug, Santa Maria, Villasis, Rosales, Santo Tomas, Alcala, Bayambang, asin Bautista, gabos gikan sa probinsya nin Pangasinan.
