Aram baya nindo mga ka-bombo, sarong Italian artist an nakapagrehistro nin bagong Guinness World Record para sa “largest mural by one artist” makalihis ining pinturahan an pader kan sarong bilangguan ni mga imaheng may mensahe nin katalingkasan, pag-asa, asin paggalang sa karapatang pantao.
Pormal na binisto kan Guinness World Records kan nakalihis na Hunyo 4 an obra ni Alessandro Ciambrone, na mahihiling sa pader kan Santa Maria Capua Vetere Prison sa Caserta, Italy.
May sukol an mural nin 5,441.93 square meters—katampad nin labi sa limang palaruan nin basketball.
Sigun ki Ciambrone, an saiyang sining an sarong “mensahe nin katalingkasan.” Tampok sa mural an mga ladawan nin mga UNESCO World Heritage Sites gikan sa manlaen-laeng kontinente, kalakip an mga inspirational quotes gikan sa mga bistadong alagad kan sining asin mga Nobel Prize winners.
Ang proyektong ini an parte kan mahewasang inisyatibo kan direktor kan kulungan na si Donatella Rotundo, na obhetong gibuhon na sarong makataong espasyo an kulungan—sarong lugar na nagbibisto sa dignidad kan kada kulungan.
Apwera sa mural, pigtugdok man an sarong restaurant sa laog kan bilangguan na padadalaganon kan mga bilanggo mismo asin bukas para sa publiko, komo parte kan rehabilitasyon asin pagtatao nin bagong pagkakataon sa mga inmates.
Isinalin an disenyo ni Ciambrone sa aktuwal na pader sa tabang kan sarong grupo nin mga estudyante kan arkitektura asin engineering.
An mural na ini an bako sana sarong pangkinabang rekord, kundi saro man na makapangyarihang testamento sa kapangyarihan nin sining—kun pano ining pwedeng magbago nin tanawin, pananaw, asin mismong buhay kan mga taong nasa laog kan kulungan.
