Aram baya nindo mga ka-bombo, binawian na nin buhay an pigmirar komo world’s oldest person, sarong Brazilian na madre na si Inah Canabarro Lucas.
Kan nakalihis sana na Miyerkules, nagtalikod na sa kinaban an nasambitan ng madre sa edad na 116-anyos, sigun sa religious community na kinababalihan kaini sa siyudad nin Porto Alegre.
Huli kaini, an titulo an naipasa na ki Ethel Caterham, residente kan Surrey, England na sa presente an 115-anyos susog sa US Gerontological Research Group (GRG) and the LongeviQuest database.
Marurumduman, si Canabarro an ipinangaki kan June 8, 1908 asin pigbisto komo world’s oldest person makalihis man na bawian ninbuhay kan nakalihis na January an Japanese na babae na si Tomiko Itooka sa edad na 116-anyos.
Pig-anunsyar kan Congregation of Teresian Sisters of Brazil an pagkagadan ni Canabarro asin pinasalamatan ini sa saiyang nagin kontribusyon.
Sigun man sa LongeviQuest, an halawig na buhay ni Canabarro an pig-attribute kaini sa Kagurangnan kun saen sa ika-110 na kompleanyo kan madre ini an nakareseber nin blessing gikan ki Pope Francis antes ining bawian man nin buhay.
