Aram baya nindo mga ka-bombo, binuksan sa China an Tianshan Shengli Tunnel, an pinakahalabang expressway tunnel sa kinaban na igwang labang 22.13 kilometro, na sakop an irarom kan Tianshan Mountains sa Xinjiang Province.
An dating pirang oras na peligroso na biyahe sa nagyeyelong tinampo sa kabubuludan an naparekas na ngunyan sa 20 minutos na pagbaybay kan agihan.
Natapos an proyekto sa laog nin limang taon sa kantedad na $5 bilyon, sa ibong kan huma sa labing lipot na nag-aabot sa -42°C, pirmeng paglinog asin masalimuot na fault zones sa langkaw na 3,000 metro.
Sa paagi kan makabagong teknolohiya kan China Communications Construction Co., matrayumpo na nalampasan an natural na ulang na nagbabanga sa norte asin Sur Xinjiang, sarong patotoo kan kahusayan kan nasambitan ng nasyon sa ladangan kan engineering asin construction.
