Naikurit kan House of Representatives an pinakahalangkaw na trust rating kaini kan Hunyo, sa irarom kan pamamayo ni Leyte 1st District Representative Ferdinand Martin G. Romualdez.
Basado sa pinakahuring survey naglangkaw an “much trust” rating kan Kamara sa nakalihis na tolong bulan.
Gikan 34% kan Abril 2025, nagsakat ini sa 49% kan Mayo, asin nag-abot sa 57% kan Hunyo.
Pigpahiling kan mga numerong ini an nagrararom na kumpiyansa kan publiko sa Kamara sa panahong pigsusubok kan darakulang isyung pambansa an tibay asin pagiging independent kan institusyon.
Naglangkaw man an tiwala kan publiko ki Speaker Romualdez gikan 23% kan Abril, naging 26% sa Mayo, asin nag-abot sa 34% sa Hunyo.
Pigpapahiling kaini na pigbibisto kan taumbayan an saiyang matibay na pamamayo dawa sa tahaw kan tensyong pulitikal.
Sigun ki House Spokesperson Atty. Princess Abante, patunay an mga resultang ini sa mga nakapotan kan Kamara sa irarom kan pamamayo ni Speaker Romualdez kan nakalihis na tolong taon.
Sigun pa sa saiyan, sa pamamayo ni Romualdez, naipasar kan Kamara an 61 sa 64 na importante propwesto gikan sa LEDAC, kabali an 27 sa 28 na prayoridad sa ikatolong regular session.
Labi 280 ley an naisabatas asin labi 13,800 propwestong ley an naisunad, kaya saro an ika-19 na Kongreso sa mga pinaka-masigasig na Kongreso sa historya.
Sa ibong kan tensyon kawsa kan impeachment kontra ki Bise Presidente Sara Duterte, nagtitinir na nakapokus an Kamara sa importanteng ley para sa kapakanan kan namamanwaan.
Sigun ki Abante, an matatag na pagtatapos na ini kan ika-19 na Kongreso an naglangkaw kan piglalaoman kan publiko para sa papalaog na ika-20 Kongreso.
Dugang pa ni Abante, an halangkaw na trust ratings an malinaw na mensahe gikan sa taumbayan.
