Aram baya nindo mga ka bombo an sarong bihira asin magayon na barahibo kan sarong nagadan na bayong na pig-aapod na huia an naipabakal sa kantidad na NZD$46,000 o haros ₱1.6 milyon na maikokonsederar na pinakamahal sa bilog na kinaban.
An huia saorng bayong na endemic sa New Zealand asin dagusan nang nawara kan enot na parte kan ika-20 siglo.
Antes pa mag-abot an mga Europeo sa isla, bihira na an huia, asin an mga barahibo kaini an nagin target kan mga kolektor asin negosyante sa fashion industry na nagin kawsa kan pagkaubos kan species.
Hasta ngunyan, halangkaw pa man an kantidad kan mga barahibo kan huia sa mga kolektor, kaya dae na nakakabigla na an ini an pigmirar komo pinakamahal na barahibo.
Mantang piglalaoman na mapakol sana sa $3,000 an kantidad kaini, an sarong perpektong kondisyon na barahibo kan huia an naipabakal nin $28,365, na iyo an nagmarka kan panibagong record.
Sigun ki Leah Morris, lider kan decorative arts sa Webb’s Auction House, an huia sarong iconic na bayong asin kadakol tawo an igwang koneksyon digde.
An nasambitan ng barahibo mahihiling an mayamang kolor na kayumanggi asin nagkikislap na kulay kun saen mayong bakas nin danyos gikan sa mga insekto.
Apwera sa kagayunan kaini, igwang hararom na importansiya sa kultura asin espiritwal an barahibo kan huia sa mga Maori, an katutubong namamanwaan sa New Zealand.
Permi pigsusulot kan mga lider an mga barahibo kaini komo palamuti sa payo.
