Aram baya nindo mga ka-bombo, an Asador Aupa restaurant sa Spain an nagtatangro kan pigmirar komo world’s most expensive and exclusive burger.
Ini an igwang kantedad na $11,000 o katampad kan nasa P639,210 kun saen an pwede sana kaining magkakakan an igwang imbitasyon gikan sa mismong restaurant.
Susog sa mga report an nasambitan ng restaurant an makukua sa Cabrera del Mar, Catalonia, kun saen inabot soboot nin walong taon an pigkundusir na research asin experimentation tangani sanang ma-develop an eksaktong sangkap para sa nasambitan ng burger.
Sigun sa mga nakatikim na marhay soboot an kalidad kaini kun kaya maoogma an siisay man sa kakaibang dining experience.
Katakod digde, an siisay man na nasunod an gabos na requirements na pighahagad kan restaurant an makakapurbar sana kan pigmirar komo pinakamahal asin ekslusibong burger sa kinaban.
An pinaka-exciting, mayo soboot nakakaaram kun anong requirements an pighahanap kan restaurant, alagad enkaso man na mapili iimbitaran an mga ini sa sarong pribadong kwarto asin ipapatikim an tolo sa pinakamasiram na pagkakan sa bilog na kinaban.
Sa ngunyan, nagtitinir na sekreto sa publiko an sangkap sa nasambitan ng burger kun kaya padagos man ining pigtatangkilik hasta sa presente.
