Pigkokonsiderar an Bagyong Melissa,komo pinakamakusog na bagyo na nagtama sa Jamaica, na naglandfall kan nakalihis na Martes (Oktubre 28), na nagdara nin makagagadan na duros asin baha na nagwalat man nin mahewasang danyos sa mga harong, ospital, asin imprastruktura.
An Category 5 na bagyo nagtama harani sa habagatan-solnopan sa banwaan nin New Hope na may padagos na duros na hasta sa 185 mph (295 kph), susog sa U.S. National Hurricane Center.
An nasambitan ng bagyo nagtama sa kadaklan na parte kan isla, na nagpatumba nin mga kahoy, nagpagali kan mga atop, asin nagpatumba nin kuryente para sa labi sa 500,000 na mga residente.
Sigun ki Minister of Local Government Desmond McKenzie, pinakalabing naapektaran iyo an agrikultural na parokya nin St. Elizabeth. 77% kan mga kustomer kan kuryente nawaran nin suplay, asin an mga repair crews pigprayoridad iyo an mga ospital, sistema nin tubig, asin iba pang kritikal na pasilidad.
Nagkapira man na mga ospital nag-agi nin labing danyos huli sa baha asin duros, kabali na an Falmouth, Cornwall Regional, asin Black River na mga ospital, na nagresulta man nin sapiritang pag ebakwar sa mga dosenang pasyente.
An Bagyong Melissa kan huri nagluya sa Category 4 mantang naghihiro pasiring sa Cuba
