Naglangkaw sa 15.5 milyon an numero kan mga pamilyang Pinoy na nagteteos sa nakalihis na apat na bulan, segun sa latest survey kan Social Weather Stations (SWS).
An survey an pigsagibo puon kan Abril 11-15 o nasa 15.5 milyong pobre na pamilya na naglangkaw gikan sa 14.4 milyon kaining Marso.
An self-rated poverty sa ngunyan an pinaka halangkaw sa haros duwang dekada kan December 2024 kan maabot an 63 percent.
Nagbaba man sa 32 percent an numero kan mga pamilyang “not poor”, mas hababa sa 36% sa enot na kwarter kan 2025. Nagtitinir man sa 12% an nagsaysay na sinda yaon sa “borderline” poor kaining Abril.
Sa self-rated poverty, pinaka halangkaw sa Mindanao (70%), Visayas (67%), Metro Manila (45%) asin Luzon (44%).
Sa mga pamilyang nagsaysay na sinda bakong pobre, pinaka-halangkaw sa Metro Manila (45%), Visayas (21%), asin Mindanao (16%). An survey isinagibo sa 1,800 respondents.
