Naibulsa ni Pinoy pole vault star EJ Obiena an silver medal sa International Jump Meeting Cottbus 2025 na pigkundusir sa Germany.
Ini an enot na indoor game ni Obiena makalihis an pirang bulan na pagpapahingalo huli sa injury sa likod makalihis an Paris Olympics.
Nagtapos nin 5.65 meters clearance an Asian asin Southeast Asian Games champion kaya nakua kaini an panduwang puwesto.
Nangenot man sa torneo si Sam Kendrick kan US na nakua an 5.75 meters.
Pigpurbaran ni Obiena na maabot an 5.75 meter tanganing maabot an gintong medalya alagad bigo ini sa tolong attempt.
Pigkokonsederar na saro ining magayon na na pagpuon ki Obiena na naglalaom man na maabot an Number 2 world ranking huli ta sa presente nasa pang-apat na puwesto ini ngunyan.
