Pigkokondenar kan manlaen-laen na grupo an nangyayaring korapsyon sa nasyon kun saen pangapudan nindang dapat igwang mapanimbag asin makasuhan gabos na mga imbwelto sa katiwalian sa gobierno.
Sa pigsagibong White Ribbon Friday Protest sa EDSA Shrine sa Quezon City, padagos sindang nangangapudan sa publiko na sana mahiling ninda na an laban kontra korapsyon na laban kan kada Pilipino.
Apwera pa digde, nagsagibo man nin candle lighting an mga nagpartisipar mantang pigkakanta an ‘Bayan Ko’.
Pigkukundusir man an White Ribbon Protest kada Biyernes hasta sa isasagibong mahewasang hiro-protesta sa November 30.
Mientrastanto, mahigot an nagin pagbantay kan mga Quezon City Police District tanganing mamantinir an kaayusan asin katuninungan kan publiko sa nasambitan ng lugar.
