Dakulang parte kan banwaan kan Baco sa Oriental Mindoro an nalubog sa baha huli sa padagos na pag-uran, kan Lunes nin mag-oomagahon huli sa nahatak na panganuron kan bagyong Romina asin iba pang weather system.
Lubog man sa baha an mga harong, tinampo, asin mga tinamon kan mga kataraid na lugar, siring kan Brgy. Pinagsabangan 2, Naujan.
Nag-puon na maglangkaw an tubig sa tinampo puon pa kan nakalihis na aldaw na kawsa kan maraot na panahon asin mayong untok na pagbulos kan uran sa kabundukan.
Magin sa Brgy. Burbuli an dae pa man passable an tinampo sa mga motorista.
An mga residente man kan Tabon-Tabon an pinagpepreparan na sa posibleng paglangkaw pa nin tubig huli sa padagos na pag-uran sa kabundukan, kun saen sinda man an nagsisirbing catch basin kan probinsya.
