Pigtawan duon kan nagkapirang senador na napapanahon na tanganing magin ganap na ley an pigbubusol na National Land-Use Act.
Suportado ninda Senators Kiko Pangilinan asin Erwin Tulfo an pangapudan na sertipikahang urgent kan Presidente an nasambitan na prosopwestong ley tanganing malikayan an matindi asin mahewasang danyos kan mga bagyo na nanalasa sa nasyon.
Pigtulak ni Pangilinan an tolos na pagpapasa kan prosopwestong ley na maagi pa sa pagdangog kan Senate Committee on Environment.
Sa irarom kan National Land Use Act of 2025, ibubusol kaini an pagkriar kan National Geo-hazard Mapping Program kun saen tutukuyon an mga lugar na lantad sa pagbaha, pagguho kan daga, ground rupturing, sinkhole collapse, tsunami, river erosion asin iba pang natural hazards.
Pigpunto man ni na kaidto pa pigbubusol an prosopwesto na dapat kaidto pa naipasar kan Kongreso.
Nagtutubod an senador na an National Land-Used Act an magigin dalan sa “proper land-use planning” bagay na importante para sa disaster risk reduction, climate resilience asin environmental integrity.
