Pigreport kan Philippine National Police Bicol na nagin matuninong an pigkundusir na hiro-protesta sa manlaen-laen na parte kan Rehiyon kasuuda, September 21, 2025.
Sigun ki Police Lieutenant Colonel Maria Luisa Calubaquib, tagapagtaram kan nasambitan ng hepatura, sinaysay kaini na sa ibong kan pagpangapudan para sa accountability asin pagbatikos sa mahewasang karupsyon na nangyayari sa gobierno, mayo man naikurit na untoward incidents sa nasambitan ng aktibidad.
Sigun sa opisyal, dakula an saindang pasasalamat sa publiko siringman para sa pig-deploy na security forces para sa salbado asin organisadong pagkundusir kan aktibidad .
Dugang pa ni Calubaquib, maximum police visibility an saindang ipinautob kan nakalihis na Domingo mantang pig-alerto man an lakdang sa mga venue kan protesta tanganing masierto an kasalbaduhan kan publiko.
Mientrastanto, kasabay man kan mga rallies, an PNP Bicol nagkundusir nin manlaen-laen na police-community relations activities kabali na an outreach programs, feeding missions, asin Zumba exercises kun saen obheto na mapakusog an ugnayan sa pag-ultanan kan mga kapulisan asin lokal na komunidad.
Sa ngunyan, nagpa-abot na sana nin pasasalamat si Brigadier General Nestor C. Babagay Jr., PNP chief sa kooperasyon kan publiko para sa nasambitan ng aktibidad.
