Pigbugtak kan Police Regional Office 5 sa heightened alert status an gabos na police units sa Bicol Region mantang paparani an Severe Tropical Storm Opong na igwang international name na Bualoi.
Marurumduman, padagos na nagkukusog an nasambita ng bagyo asin piglalaoman na ma landfall sa Rehiyon sa aldaw nin Biyernes.
Sigun ki PRO-5 Director Brig. Gen. Nestor Babagay Jr., pigsugo na an mga gabos na police units na magtaong asistensiya sa pagkundusir nin preemptive evacuations, partikularment sa mga nasa low-lying areas, coastal, asin flood-prone na komunidad.
Katakod digde, mapakol sa nasa 367 na personahe gikan sa Reactionary Standby Support Force an pig-deploy asin nakapreparar na.
Mantang an search, rescue, asin retrieval teams an pig-tap tanganing magtao nin tabang sa mga areas na maapektaran kan bagyo.
Pig-enkaminar man kan opisyal an publiko na magtinir na vigilante asin i-prioritize an kasalbaduhan sa panahon kan kalamidad.
