Nagpromesa an Philippine National Police (PNP) sa Bicol region na padagos nindang gagampanan an deriktiba ni Presidente Ferdinand “Bongbong” Marcos Jr.’ na gibuhong mas visible an mga kapulisan sa mga tinampo sa ibong nin kakulangan sa mga personahe.
Sigun ki Brig. Gen. Andre Dizon, director kan Police Regional Office Bicol, nagkaigwa naman nin repositioned kan mga police personnel, vehicles, asin equipment sa mga key strategic locations.
Sa paagi kaini mas mapapamarhay an police visibility sa mga tinampo na makakatabang tanganing mapababa an oras kan pagresonde sa mga emerhensiya.
An kada police station sa Rehiyon an igwang bastanteng logistics asin resources tanganing suportaran an pang ara-aldaw na operations asin emergency deployments.
An mga kapulisan man na nagpa-patrol sa mga tinampo an igwang pigtataong two-way radio systems.
An teknolohiya na ini an nakakatabang tanganing magkaigwa nin komunikasyon sa mga nangangaipuhan nin tolos na requests kan mga hararaning police station na nagsisierto sa marekas na pag-aksyon kan mga kapulisan.
Mientrastanto hasta kan May 23, 2005, an mga kapulisan sa Bicol Region an pigbibilog kan nasa 11,289 personnel kabali na an 604 police commissioned officers, 10,082 police non-commissioned officers, asin 603 non-uniformed personnel.
