Maogma na pig-ako kan Philippine National Police an pagkakatalaga ki Interior Secretary Jonvic Remulla.
Pigsaysay ni PNP public information officer Brig. Gen. Jean Fajardo, na siring kan mga nakalihis na sekretaryo kan DILG dae nagbabago an saindang suporta.
Nagtutubod man si Fajardo na sa eksperyensiya ni Remulla komo gobernador kan Cavite an mayong magigin problema sa pagmanehar kaini sa DILG.
Dugang pa kan opisyal, anuman an nagin eksperyensiya kaini sa pamamayo komo local chief executive sa saiyang probinsiya an magagamit kaini sa presenteng posisyon.
Marurumduman, pigtalaga si Remulla karibay kan nagbutas na DILG Secretary na si Benhur Abalos na madalagan komo senador sa 2025 elections.
