NAGA CITY– Blangko pa sa ngunyan an Philippine National Police (PNP) dapit sa posibleng motibo sa pansasaksak sa sarong dating pulis asin presenteng Barangay Kagawad kan Poblacion, Capalonga, Camarines Norte.
Sa entrevista kan Bombo Radyo Naga ki PS/Insp. Fernando Cedo, officer in charge kan Capalonga PNP, sinaysay kaini na nagpapadagos pa an saindang hararoman na imbestigasyon sa pananaksak kay Joseph Labor na nangyari mantang pauli ini sa saindang harong.
Uyon an PNP sa posibilidad na may nakaiwal an biktima sa saindang Barangay orog na bistado suboot ini komo istriktong opisyal.
Sa ngunyan nasa maray na kabugtakan si Labor mantang padagos pa an operasyon kan PNP tanganing madakop na an nakadulag na suspek.
Napag-araman na ikaduwang termino na ngunyan komo Barangay Kagawad ni Labor asin nagsirbi komo pulis sa laog kan 15-taon.
