NAGA CITY – Padagos an motorist assistance center kan Philippine National Police (PNP)- Calabanga tanganing mamantenir an katrangkilohan sa Calabanga, Camarines Sur.
Sa entrevista kan Bombo Radyo Naga ki PLT. Rodel Diaz, deputy chief of police kan calabanga MPS, sinaysay kaini na padagos an saindang pigsasagibong COMELEC checkpoint sa nasambitan ng banwaan.
Alagad pig-ako ni Diaz na limitado o plain view sana an saindang piggigibo nin huli ta ini man soboot an order na pig-pautob kan COMELEC.
Mientrastanto, sa presente mayo paman sindang nanunutaran na nagbayolar sa COMELEC Checkpoint, siringman, nakikipagkoordinar man an mga motorista sa sainda.
Sa ngunyan, nagtitinir na 24/7 visible an motorist assistance center tanganing mamantinir an katuninong sa nasambitan ng banwaan.
