CAMSUR- Padagos an pagrikorida kan PNP- Camaligan aldaw-bangui tanganing mamantenir an katuninungan sa Camaligan, Camarines Sur.
Sa entrevista kan Bombo Radyo Naga ki PCPT Ric Reginales, Acting Chief of Police, kan Camaligan MPS, sinaysay kaini na magayon an saindang kooperasyon sa lokal na gobinero, mga barangay official, barangay tanod sa nasambitan ng banwaan.
Kun saen, haros aldaw-bangui an Oplan Presensya kan saindang mga personahes.
Apwera pa digdi, igwa man nin mga barangay tanod na nagpapatrolya sa banwaan.
Mientrastanto, pigkundusir man an saindang lado nin meeting kaibanan an peace and order kan siyudad nin Naga, kun saen napag-ulayan man digdi an proseso kan barangay drug clearing operation.
Sa 13 barangay kaya kan banwaan, nasa 7 na barangay na an pigdeklarar na drug cleared barangay. Katakod kaini, nagkukundusir man sinda nin mga session sa barangay para sa paza y orden.
An nasambitan na kayang banwaan an igwa nin tourist destination na pigdadayo man kun kaya obheto ninda dae na pagpahanapon an mga tawo sa police station nin huli ta pwede na sindang maapodan sa paagi kan pag-apod sa 911 tanganing magresponde sa laog nin 15 minuto.
