Kinumpirma ni Philippine National Police (PNP) Chief Gen. Jose Melencio Nartatez Jr. na si Rodolfo Gracioso Jr. an dating nagsirbi bilang security detail ni dating House Speaker Lord Allan Velasco.
Si Gracioso Jr. an dating pulis na nagbuyagyag kan saiyang suboot pirang beses na paghatod nin mga maleta nin kwarta ki VP Sara Duterte, mantang siya nagsisirbi bilang security detail ni Velasco.
Segun ki Nartatez, dati nang nag-atubang nin mga kasong administratibo asin kriminal si Gracioso kan 2021 asin 2022 mantang nakadestino sa Police Regional Office 4A.
Dati na man ining pinatawan nin suspension alagad tulos man ining naiserbi.
Sigon digdi, an pagkakadismiss sa serbisyo, resulta nin serye nin imbestigasyon asin parte kan ‘administration of justice’ sa lado kan PNP.
