Mahigot na pinag-sugo ni Philippine National Police (PNP) Chief Gen. Rommel Marbil an hararuman na imbestigasyon laban sa nagkapirang kapulisan kan Taguig City.
Makalihis na makaabot sa opisina kaini an ginibong paglaog kan mga kapulisan kan Taguig sa sarong residente nin mayo nin anuman na search warrant.
Pigsaysay pa kan PNP Chief na dae kaini kukunsintihon an salang nagibo kan saiyang kapulisan.
Enot nang pig anunsyar kan National Capital Region Police Office (NCRPO) na kinasuhan na kan Taguig City Police Station an 10 kapulisan kaini na imbwelto sa nasambitan ng insidente.
Marurumdumang inireklamo kan sarong residente an dae makatarungan pagdakop sa saiya makalihis an paglaog kan mga kapulisan kan Taguig nin mayong anumang darang legal na dokumento.
