Pig-anunsyar ni Philippine National Police (PNP) Spokesperson PBGen. Randulf Tuaño na dae pupugulan kan ahensya an mga miyembro kaini na mawot na magtestigo sa International Criminal Court (ICC) katakod kan war on drugs ni dating Presidente Rodrigo Duterte.
Kasunod ini sa pangapudan kan Prosecutor Office kan ICC kan mga direktang testigo gikan sa PNP, Philippine Drug Enforcement Agency (PDEA) asin National Bureau of Investigation (NBI) dapit sa mga nangyari kaidto sa kampanya kontra droga .
Kun saen, nilinaw ni Tuaño, na ini an pangapudan sana kan ICC asin bakong summon kun saen pighihiling na boluntaryong kooperasyon kan mga nasambitan ng ahensya.
Sigun pa ki Tuaño, kun mawot kan sarong myembro na magtestigo, ini an dapat personal legal decision.
Katakod digde, pigbibisto asin pigrerespeto kan PNP angdue process asin legal na derechos kan mga myembrong mawot na makisuamro sa nasambitan ng pangapudan kan ICC.
