Ibinwelta kan Philippine National Police Highway Patrol Group (PNP-HPG) sa mga tunay na kagrogaring an 58 na rekoberadong sasakyan.
An nasambit na mga sasakyan kabali an pitong motorsiklo.
Segun ki HPG acting director PBGen. Joyce Patrick Sangalang, 23 sa mga sasakyan an narekober sa paagi kan technical carnapping investigation, mantang an natatadang 35 an narekober matapos an mga isinagibong flag-down operations, checkpoints, asin anti-carnapping operations.
Pinagseguro ni Sangalang na magigin kada-bulan na an pagbwelta kan mga narekober na sasakyan.
Nagtao man ini nin patanid sa publiko na magin maingat sa pagbakal nin mga sasakyan, orog na kun ini mga second-hand, asin kun may duda, pwedesir nindang ipa-verify ini sa saindang opisina o sa Land Transportation Office (LTO).
