Ikinaogma kan Philippine National Police (PNP) an pahayag kan mga awtoridad sa Australia na dae ginamit an Pilipinas para sa extremist o terrorist training antes an mass shooting sa Bondi Beach sa Sydney.
Sigun ki Australian Federal Police Commissioner Krissy Barrett, mayong ebidensiya na an mga suspek na sinda Sajid Akram asin aki kaining si Naveed an sumairarom sa ano man na pagsasanay sa Pilipinas kan saindangng pagbisita kan nakalihis na Nobyembre 2025.
SIgun ki Acting PNP Chief Lt. Gen. Jose Melencio Nartatez Jr., pinatitibay kaini an naenot na intelligence kan mga awtoridad sa nasyon.
Nag abot an mga suspek sa Pilipinas kan Nobyembre 1, 2025, na may huring destinasyon sa Davao City, asin naghali kan nakalihis na Nobyembre 29.
Pirang aldaw makalihis kaini, isinagibo ninda an pag-atake na ikinagadan kan 15 katao, kabali na an sarong 10-anyos na babae. Sinaysay ni Nartatez na padagos na makikipagkoodinar an PNP sa mga awtoridad sa Australia asin iba pang nasyon tangani na aramon an motibo kan mga suspek.
Pig utro man kaini an promisa kan Pilipinas sa pakikipagtabangan sa pankinabang laban sa terorismo.
