NAGA CITY- Nanindugan ngonyan si Naga City Mayor John Bongat na kaipuhan na magpublic apology kan PNP Directorate for Investigation and Detection Management (DIDM) huli sa suboot epekto kan pigpaluwas na data katakod kan crime rate sa manlaen laeng lugar sa nasyon.
Marurumduman na sa nasambitang report, nangenot an ciudad nin Naga sa igwa nin pinakahalangkaw na monthly crime rate sa bilog na nasyon.
Enot kaini, sa pigkondusir na Peace and Order Council (POC) Meeting, nanindugan an Naga City Police Office (NCPO) na magkaiba an saindang kinakaputan na data sa ipinaluwas na impormasyon kan saindang central office.
Sigon ki Bongat, napag-uruyunan sa nasambitang POC meeting na magbilog nin sarong resolusyon kun saen nakapalaog digdi an pagmamawot kan ciudad na maitama kan DIDM an suboot discrepancies sa nasambitang data.
Igwa suboot sala sa number of month na enot nang naireport kan PNP, kun saen imbes na tolong bulan, apat na bulan suboot an nakasurat sa total crime volume.
Nanindugan man si Bongat na bakong accurate an nasambitang report huli ta haralo suboot an index crime asin non-index crime kun saen mas kadakol an mga nairerehistrong sararadit na insidente sa ciudad alagad nakakasabay ini sa total crime volume.
Katakod kaini, naglalaom an alkalde na mapapakarhay an nasambitang pagkakasala na suboot nag-walat nin damaging effect sa nasambitang ciudad.
